Kemst ekki inná síðuna mína!! Þá ákvað ég bara að prófa aftur að blogga hér Annars hlýtur þetta að komast í lag hjá bloggar.is trúi ekki öðru.Nenni samt ekki að vera á þessu flakki á milli bloggstöðva.Jæja vona það besta

lauga.bloggar.is

Verið ævinlega velkomin! 

* SERBAR UNNU EVRÓVISJÓN

*RÍKISSTJÓRNIN HÉLT NAUMUM MEIRIHLUTA

*ÉG KAUS EKKI FRAMSÓKN

*ÉG KAUS FRJÁLSLYNDA FLOKKINN

*OG SIGGI LÍKA

*VARÐ VITNI AÐ ÞVÍ ÞEGAR RÚV RAUF ÚTSENDINGU EVRÓ TIL AÐ KOMA FYRSTU TÖLUM ÚR KOSNINGUM AÐ..........FÍFLASKAPUR ALDARINNAR ÞAR Á FERÐ!!!!!!!

*ER AÐ DREPAST ÚR VÖÐVBÓLGU

* ER AÐ FARA TIL REYKJAVÍKUR Á MORGUN Í HÚSMÆÐRAORLOF

* DJÖFULL SEM ÞAÐ VERÐUR NOTALEGT

* HERMANN,BERGLIND OG HEIÐAR MÁNI,HLAKKA MIKIÐ TIL AÐ HITTA YKKUR ANNAÐKVÖLD 

Hver mundi ekki vilja fá Martein Mosdal á þing? Ég bara spyr!!

Er í algjörri tilvistakreppu hvað varðar alþingiskosningarnar  n.k. laugardag,veit ekkert hvað ég á að kjósa.Ég er víst flokksbundin en ég hef kosið fram hjá, ef satt skal segja, ég er nú eiginlega kominn á það að gera slíkt hið sama aftur

Evróvisjón kvöldið mikla nálgast,og verður GRÍÐALEGA spennandi að fylgjast með eilífðar töffaranum Eika Hauks!!! Vonandi kemst hann áfram og gerir okkur íslendinga svo stolt Mín spá er sú að Rússar vinni og Tyrkir og Grikkir geri góða hluti (Kem kannski með spá eftir fimmtudagskvöldið Topp 10)

Opna húsið á Kríló verður einnig sama dag og kosningar og Júró,þannig að móðirin verður á kafi gjörsamlega allan fokk... daginn! Kannski maður bara taki G&T á´essu,þá sjaldan sem maður lyftir sér upp

Æi rassgat!!!! Hvar er allt góða veðrið?? Hlakka svo til að komast í sumarfrí!!!!!! Er að verða ansi leið á þessu ástandi í vinnunni,ég er svo einmanna að ég fer bráðum að einangrast og hætti að kunna að tala eða eitthvað álíka 

......það er bara sonna,loksins nenni ég að eitthvað að tjá mig hérna Kýpur ferðin er semsagt búin og mikið afskaplega sem hún var góð Eini gallinn..... þetta var svo helvíti langt ferðalag,en sem betur fer er hægt núna að hafa það styttra,þannig að maður drífur sig aftur við fyrsta tækifæri ekki spurning Veðrið var alveg ljómandi fínt,3 eða 4 sólarlausir dagar minnir mig þessar 2 vikur og hitinn bara bærilegur,aðeins heitara en var hér í dag.Bara þægilegt sko.Krakkarnir voru alveg voðalega ánægð þarna og líkaði vel hitinn,en þau fóru þá bara inn og horfðu á tv´ið og móðirin flatmagaði á sólbekkjunum Því miður var ekki búið að opna neina rennibrautargarða enda kannski ekki orðið nógu heitt fyrir heimamenn,það var bara fyndið,þeir litl klæddu sig í síðbuxur ,skyrtu og ullarvesti meðan íslendingarnir spókuðu sig bara á naríunum og julluhaldaranum,get ekki sagt að þeim hafi fundist það eitthvað leiðinlegt Við vorum ekki á þessum týpiska túristastað,ónei við vorum bara í miðjum Tyrkjafansi og líkaði bara vel,rosalega almenninlegt og kurteist fólk.Yfirleitt tengir maður Tyrki við eitthvað.......æi mig vantar orð....... þið vitið Halim Al og eitthvað Veit ekki hvort þið skiljið mig Jæja við náðum að skoða nánasta umhverfi vorum með bílaleigubíl og gátum því aðeins rúntað um svæðið.Rosalega fallegt,, finnst mér allavega Ég mundi setja eitthvað af myndum á síðuna ef ég gæti og kynni Ekki skemmdi fyrir að hafa skemmtilega ferðafélaga en auðvitað vantaði þau allra skemmtilegustu,Hermann,Berglind og Heiðar Mána en þau gátu því miður ekki komið með,en bara næst Það var farið í mjög svo ævintýralega siglingu þar sem dalvískir sjóarar gátu látið ljós sitt skína,ó mæ ó mæ það var sko yndisleg ferð sem ekki verður sett hér á blað,ég gæti sært þá sem ekki höndluðu þessa ferð 2 kastalar voru skoðaðir einn við sjóinn og hinn lengst uppí fjöllum og þurfti að ganga tæplega 800 tröppur til að komast uppá topp á fjallið,þá blasti við ægifagurt útsýni,segja þeir sem gengu alla leið Þetta var svona það helsta úr ferðinni,stiklað á mjög stóru mundi ég segja.

En svona að allt öðru,þá var bara bongóblíða í dag og við nutum blíðunnar eins og sönnum íslendingum sæmir.Sólin var alveg sleikt fram á það síðasta Það þýðir ekkert að tapa ALLRI brúnkunni sem maður náði sér í á Kýpur Alveg rosalega brún En nú bíður maður bara eftir Evróvisjón og kosningum,ekki alveg með það á hreinu hvað ég kýs,en ég hlýt að vera búin að ákveða mig þegar ég fer í kjörklefan,vona það að minnsta kosti. Heyrðu ég kalla þetta nokkuð gott í bili,svei mér þá

Þið litl hélduð að ég væri að fara skrifa um konuna sjálfa,en nei aldeilis ekki Þetta er nafn á lagi sem er í miklu uppáhaldi hjá mér þessa dagana. Það er í það miklu uppáhaldi að ég verð hreinlega að heyra að minnsta kosti einu sinni á dag Er þegar búinn að hlusa á það 2x á u tube í morgun Maðurinn sem syngur heitir Mika og ég er ekki frá því að maður heyri smá Freddie Mercury í röddinni.Bara mitt álit

Það styttist í Kýpur,einungis 28 dagar í brottför og hér ríkir mikil tilhlökkun hjá foreldrunum en börnin eru ekkert að fatta þetta,samt spyr Sara "hvað eru margir dagar þangað til í dag mamma" en Viggi minn sem er svo jarðbundin hann er ekkert viss um að hann vilji fara í flugvélina En með öllum ráðum skal drengurinn fara,ég verð þá bara að gefa honum svefntöflu eða eitthvað og halda á honum hálf rænulausum út í vélina nei nei það er nú svolítið gróft. Spurning hvort maður eigi að fara leggjast í ljósabekkina til að vera ekki eins og þurrkaður hundaskítur þegar maður fer í stuttbuxurnar Annars eru allir komnir með vegabréfin sín og tilbúin til brottfarar

Hvar skal byrja???? Jú ég byrja á að segja frá síðustu helgi Ég skrapp til Reykjarvíkur í pílagrímsferð á Júróvisjón.Flaug suður á föstudagskvöldið,smá seinkun á flugi og Hermann og fjölsk.beið bara aðeins lengur á vellinum til að taka á móti helgargestinum,Hermann var nefninlega að opna Ferðaþjónustu bænda gistiheimili á ný eftir slæmt gjaldþrot.Ekki var boðið uppá Corn Flakes en ég lét mér Cheeriosið duga.Og nokkra Subway og Rizzo pizzu,,,daufa! Á laugardeginum var maður vakinn af prinsinum á heimilinu sem heimtaði að komast fram til að líta á fyrsta gestinn á gistiheimilinu. Aldrei þessu vant þá var rétt litið við í Kringlunni áður en ég fór og hitti aldraðan föður minn,við mæltum okkur mót á Hressingarskálanum þar sem við fengum okkur smá næringu.Eftir góðan dag með karl föður mínum var haldið heim á leið,þá meina ég gistiheimilið, til að græja sig fyrir partý ársins!!! Móðirin skellti sér í fínasta púss og ásamt gestgjafanum var farið í partý til Dagmar og Jóa þar sem elítan hittist og fékk sér að borða og drekka fyrir sjónvarpsútsendingu.Haldið var af stað í Loftkastalann þar sem herlegheitin voru og ekki vantaði celebið maður öss öss öss,,,slaka! Friðrik sté fyrstur á svið og stóð sig eins og hetja,lýðurinn tryllist gjörsamlega en það var ekki nóg.Þrátt fyrir sjálflýsandi prik gekk það ekki upp,annað sæti var staðreynd.Ég er svolítið svag fyrir Eika Hauks,en ég vonaði pínu að hann myndi syngja "Sekur"í staðinn fyrir "Ég les í lófa þínum" Jæja nóg um það. Vonsvikinn Friðrik Ómar stefndi liðinu á Broadway þar sem hann er með í Tinu Turnar showinu,og spilar á skemmtara af þvílíkri snilld að annað eins hefur varla sést eða heyrst svo syngur hann auðvitað eins og engill þess á milli.Við tók svo leiðindar rúntur um borgina og alla leið í Kópavog þar sem Players er staðsettur."Hr.Húsin hafa augu" var að syngja ásamt sínu bandi þar,en því miður komumst við ekki þar inn því það var gjörsamlega troðið inni og fleiri metra biðröð fyrir utan.Nasa var því næsti viðkomustaður,enginn röð þar.Rétt náði að berja "Tornero" gaurinn augum ,en ég missti af honum í Júró.Eiki mætti í leðurfrakkanum og með gítargógópíurnar og gjörsamlega tryllti alla gestina með lófalestri á ensku og þar með var móðirin búin að fá nóg af skemmtana lífi borgarinnar,fór á besta matsölustað RVK og fékk sér einn sveran Nonna og hélt heim á leið á hóteldýnuna. Endilega setjið ykkur í samband við Hermann ef ykkur vantar gistingu í borginni,annars ætla ég að starta söfnun þar sem fólk er endilega beðið um að leggja inná reikning sem ég mun skíra " Svefn og Heilsa" og söfnum fyrir góðu rúmi á gistheimilið.

Án gríns,þá var þetta hrikalega skemmtileg helgi og vil ég senda öllum þeim sem gerðu hana skemmtilega góðar kveðjur

Örvæntið eigi þó eg skrifi seint og um síðir,því eg boða hvort eð er engan fögnuð Jamm það styttist óðum í suðurferð og ég er alveg farinn að hlakka til sko Ég á nú reyndar eftir að redda mér gistingu en ég geri bara ráð fyrir að Hermann og Berglind búi um mig á stofugólfinu Það verður örugglega suddalegt fjör á Júróúrslitakvöldinu,bara blanda nógu mikið af G&T í nesti og ég er vel sett Annars held ég að ginið mitt verði útrunnið í vínskápnum ef ég drekk það ekki um helgina,komst að því að bjór rennur út ef maður drekkur hann ekki fyrir tilsettan tíma.Átti 2 dósir hér í geymslunni og viti menn hann var kominn fram yfir síðasta söludag,svo er Breezer í ísskápnum hjá mér sem er líka runnin út Ég hef komist að því að ég er ekki efnilegur alki,það segir sig sjálft er það ekki Svona miðað við allt útrunna áfengið í húsinu mínu allavega

Annars er bara allt gott að frétta héðan úr Drafnarbraut,allir frískir og sprækir Var að vinna frá 8-14 í gær og í dag og er alveg eins og undin tuska,Halldóra var sko í fríi þannig að ég var ein með matinn. Svo er foreldrafundur í kvöld á Kríló,væri alveg til í að vera bara heima í kvöld, því ekki þýðir að senda faðirinn því hann er að vinna í allt kvöld Samt er maður alltaf til í að heyra eitthvað gott um börnin sín, segir stolt móðir Sara átti víst eitt gullkorn í dag á leikskólanum,þær vinkonur Sóley María og Sara voru að tala um mann með byssu sem var búinn að skjóta mikið,svo æstust leikar og fallbeygingarnar voru farnar út um veður og vind.Þetta endaði þannig að maðurinn "skeit" hann,(ekki skaut hann heldur skeit hann) Yndisleg börn

jæja þá verður þetta ekki lengra í dag,ég kveð í bili og segi"Far vel, far vel"